Termyn

Termyn yw an avonsyans didhiwedh a vosva ha hwarvosow. Ev a hwer yn fordh anworthtreylyadow a-dhia an termyn usi passyes dhe’n termyn a dheu. Rag musura termyn, ni a yll usya neppyth a wra an keth tra yn fenowgh. Unn ensampel yw dalleth dydh nowydh, ha’n Nor a rosell war y eghel. Dew aral yw gwedhow an Loor orth rosella an Norvys, ha sesnyow an vledhen dell wra an Nor rosella an Howl. Y’n osow koth, tus a dhisplegyas kalenderyow dhe rekna niver an dedhyow y’n vledhen. I a dhisplegyas rivellow howl (sundials yn Sowsnek) a usyas skeusow tewlys gans an Howl ow movya dre’n jydh dhe vusura termynyow le ages dydh. Hedhyw, klockys fest kewar a yll musura termyn dhe le ages milvilves rann a eylen. Aswonnys yw studhyans termyn avel horologieth. Unses termyn SI (Kevreyth Keswlasek Unsesow) yw unn eylen. Pan vo usys avel varyadow yn awgrym, diskwedhys yw termyn gans an arwodh t {\displaystyle t} . Yn fysegieth Albert Einstein, y hyllir kesunya termyn hag efanvos avel unn tybyans. Rynnys yw an bys dhe 24 parth rag musura termyn. An re ma yw parthow termyn.